Mae celfyddydau ymdrochol yn golygu gwahanol bethau i wahanol bobl, ond rydyn ni’n ei ddiffinio fel creu celf gyda thechnoleg er mwyn cynnwys y gynulleidfa.

Hynny yw, realiti rhithwir, ymestynnol ac estynedig:

• anelu at sawl synnwyr
• pontio’r bylchau rhwng gofodau ffisegol a digidol
• cysylltu pobl â’i gilydd a’r amgylchedd
• newid y ffordd rydyn ni’n meddwl ac yn creu.

• Does dim rhaid i chi fod yn feistr ar dechnoleg (er y gallwch fod) er mwyn gwneud cais. Y cyfan sydd ei angen arnoch chi yw meddwl chwilfrydig ac ymarfer creadigol. Yna, drwy gymysgedd o gyllid, hyfforddiant, ymchwil a digwyddiadau, bydd rhaglen Celfyddydau Ymdrochol yn eich cefnogi chi i ddarganfod beth a sut rydych chi eisiau ei ddatblygu a’i greu.

Y nod yw chwalu rhwystrau, gan wneud maes sy’n gallu bod yn eitha caeedig yn llawer mwy hygyrch. Yn hynny o beth, rydyn ni eisiau rhoi sylw i gymaint ag y gallwn ni o wahanol leisiau, er mwyn helpu i darfu ar ffyrdd sefydledig o fodoli, gwneud, meddwl a chreu.

Bwriad Celfyddydau Ymdrochol yw bod yn brosiect cydweithredol iawn – rydyn ni am ddysgu gyda chi. Bydd ein hymchwil yn rhannu gwybodaeth am beth sy’n gweithio orau i’r sector celfyddydau ymdrochol. Ac yn helpu i greu cyfleoedd i artistiaid a chynulleidfaoedd o bob cefndir i ddefnyddio technoleg ymdrochol mewn ffyrdd newydd a chreadigol.