Ymchwil
Offer a Thechnolegau Ymdrochol
Offer a Thechnolegau Ymdrochol
Allwch chi ddim gwneud celfyddyd ymdrochol heb offer a thechnolegau ymdrochol! Mae'r elfen ymchwil hon yn edrych ar y pethau sy'n ei gwneud hi'n bosibl ymgysylltu â synhwyrau lluosog, pontio'r bwlch rhwng gofod ffisegol a digidol, cysylltu pobl â'i gilydd a'r amgylchedd a newid y ffordd rydyn ni’n meddwl ac yn creu!
Y tîm sy'n ymchwilio i hyn yw Kirsten Cater (Athro Rhyngweithio Dynol â Chyfrifiaduron, Prifysgol Bryste), a Tom Abba (Athro Cyswllt Celf a Dylunio, UWE Bryste).
Offer a Thechnolegau Ymdrochol
Gan feddwl am yr offer a’r technolegau ymdrochol sy’n gwneud celf ymdrochol yn bosibl, mae’r tîm yn archwilio’r hyn y mae angen i artistiaid ei wybod i weithio’n hyderus ac yn greadigol gyda ffurfiau ymdrochol:
- canfyddiad pobl o’r rhwystrau technegol ac o ran sgiliau;
- yr adnoddau sy’n bodoli i gefnogi llythrennedd creadigol a thechnegol ar gyfer XR;
- y ffyrdd y gallai artistiaid weithio’n gydgyfeiriol ag XR ac offer eraill fel Deallusrwydd Artiffisial i gynhyrchu profiadau ymdrochol;
a sut mae offer a thechnoleg synhwyro a deongliadol yn arwain at ddealltwriaeth well o brofiad y defnyddiwr gan greu Profiadau XR personol.
Meet the team
Kirsten Cater
Cyd-Ymchwilydd (hi)
Celfyddydau Ymdrochol
Mae Kirsten yn Athro mewn Rhyngweithio rhwng Cyfrifiaduron a Phobl ym Mhrifysgol Bryste. Mae ei hymchwil yn canolbwyntio ar gyd-ddylunio atebion technegol-gymdeithasol ar gyfer gwella profiadau pobl a’u rhyngweithio â’u hamgylchedd a’i gilydd, yn enwedig drwy ddefnyddio technolegau ymdrochol, ac mae wedi sicrhau mwy na £55m o gyllid ar gyfer ymchwil rhyngddisgyblaethol.
Tom Abba
Cyd-Ymchwilydd (fe)
Celfyddydau Ymdrochol
Mae Tom yn Athro Cyswllt mewn Celf a Dylunio yn UWE Bryste, ac yn Gyfarwyddwr y Ganolfan Ymchwil Diwylliannau Digidol. Bu’n llywio prosiect Ambient Literature rhwng 2016 a 2019, a chydweithiodd â ffigurau cyhoeddi allweddol er mwyn herio effaith technolegau digidol ar ysgrifennu. Cafodd ei enwi’n un o’r 40 arloeswr mwyaf aflonyddgar gan Bookseller.
Rydyn ni hefyd yn awyddus i ddysgu gan yr ymchwil anhygoel sy’n cael ei gwneud gan eraill ledled y byd ac ymhelaethu arni. Os oes gennych chi rywbeth yr hoffech ei rannu gyda ni, cysylltwch â ni.
