Mae Allie yn gyd-sylfaenydd Yello Brick, sy’n creu digwyddiadau a phrofiadau digidol arobryn ers 14 mlynedd. Gyda chefndir mewn theatr, technoleg ddigidol, marchnata a chynhyrchu, mae hi wedi gweithio ar Bordergame (National Theatre Wales), Rescape Innovation (VR ar gyfer y GIG), a The Culture Group, gan reoli prosiectau Google gyda digwyddiadau corfforol ac allbynnau digidol.

Mae Amy yn cydlynu’r Ganolfan Ymchwil Diwylliannau Digidol (DCRC) a rhaglenni ymchwil UWE, gan gynnwys Celfyddydau Ymdrochol a MyWorld. Mae hi hefyd yn ymchwilio i ddulliau arddangos a dosbarthu profiadau celfyddydol ymdrochol. Mae Amy wedi gweithio ar brosiectau fel Alternative Technologies, Grounding Technologies, y Cyngor Ffilm Ddogfennol, Spoken Memories, ac wedi cynhyrchu’r 100fed perfformiad o I Am Echoborg.

Mae Bridget wedi cydlynu rhaglenni ar gyfer y PM Studio, gan gynnwys Grounding Technologies, Celfyddydau Ymdrochol ac Undershed. Maen nhw hefyd yn awdur, cynhyrchydd creadigol ac yn olygydd. Maen nhw wedi cyhoeddi casgliadau barddoniaeth; Better Watch Your Mouth a Chewing Gum. Mae Bridget wedi cynhyrchu digwyddiadau ar gyfer Shambala, Gŵyl Ymylol Caeredin a Trans Pride.

Mae Chloe wedi cynhyrchu rhaglenni gyda Wellcome Collection, Create London, V&A Dundee, RIBA a’r Sefydliad Pensaernïaeth, gan gydweithio ag artistiaid, dylunwyr a phartneriaid mawr ar ddigwyddiadau byw, gwyliau a chomisiynau. Mae’n arbenigo mewn prosiectau rhyngddisgyblaethol i gynulleidfaoedd cyhoeddus ac mae ganddi brofiad o ddefnyddio dulliau gwrth-hiliaeth a gwrth-ablaeth.

Mae gan Colm dros 15 mlynedd o brofiad yn cynhyrchu rhaglenni celfyddydol yng Ngogledd Iwerddon. Mae’n Gyfarwyddwr Creadigol ac yn gyd-sylfaenydd Gŵyl Stendhal. Gyda chefndir mewn pensaernïaeth, mae’n cyfuno dylunio digidol, modelu 3D, animeiddio a dylunio gwe ag adrodd straeon a marchnata. Mae hefyd wedi gwasanaethu ar fwrdd ArtAbyss, gan gefnogi pobl ifanc drwy’r celfyddydau.

Mae Lisa yn gynhyrchydd, artist ac yn guradur sy’n archwilio adrodd straeon digidol, technolegau ymdrochol ac ymgysylltu cymunedol. Mae wedi gweithio i sefydliadau megis y BBC, Prifysgol De Cymru a’r Ymddiriedolaeth Genedlaethol, yn ogystal â chydweithio â nifer o unigolion sydd wedi dylanwadu ar ei gwaith a’i syniadau.

Mae gan Kat dros 6 mlynedd o brofiad mewn cyfathrebu creadigol, gan gysylltu pobl drwy gyfryngau digidol ac adrodd straeon. Daeth i Fryste o Bradford ac arhosodd oherwydd ffocws y ddinas ar y celfyddydau. Mae Kat yn DJ (GAROËSS), yn rhan o Booty Bass. Fe’i dewiswyd ar gyfer Prosiect Datblygu Artistiaid Newydd Saffron Music‘ (2023-2024).

Mae Michelle yn artist gain sy’n ymarfer ac yn hyfforddwraig gymwysedig gyda chefndir technegol mewn ôl-gynhyrchu ac SFX. Gyda thros dair blynedd yn StoryFutures a StoryTrails, mae hi’n dod ag arbenigedd mewn prototeipio ymdrochol, profi ac ymchwil sy’n seiliedig ar gynulleidfaoedd i gefnogi artistiaid yn y rhaglen.

Mae Ruth yn Gynhyrchydd a Chyfarwyddwr Creadigol sy’n arbenigo mewn celf, technoleg a chynaliadwyedd.

Rhwng 2009 a 2023, bu’n Gynhyrchydd ac yna’n Gyfarwyddwr i Abandon Normal Devices, gan arwain yr unig raglen grwydrol ddwyflynyddol ddigidol ym Mhrydain a chydweithio ag artistiaid fel Marshmallow Laser Feast, Matthew Plummer Fernandez, Daito Manabe, Ubermorgen a Studio Roosegaarde.

Mae Ruth yn Gynhyrchydd a Chyfarwyddwr Creadigol sy’n arbenigo mewn celf, technoleg a chynaliadwyedd.

Rhwng 2009 a 2023, bu’n Gynhyrchydd ac yna’n Gyfarwyddwr i Abandon Normal Devices, gan arwain yr unig raglen grwydrol ddwyflynyddol ddigidol ym Mhrydain a chydweithio ag artistiaid fel Marshmallow Laser Feast, Matthew Plummer Fernandez, Daito Manabe, Ubermorgen a Studio Roosegaarde.

Mae Verity’n gweithio gydag artistiaid, technolegwyr, ymchwilwyr, a llunwyr polisi sydd â diddordeb mewn effaith technoleg ymdrochol ar gymdeithas. Fel Athro Cyswllt yn UWE Bryste, Verity sefydlodd un o raglenni meistr realiti ymestynnol cyntaf Ewrop a chyd-sefydlu’r Bristol VR Lab. Mae ei hymchwil yn canolbwyntio ar foeseg realiti ymestynnol, a hawliau dynol mewn amgylcheddau rhithwir.

Cynhyrchydd digidol llwyddiannus yw Tom, ac mae ei waith wedi’i ddangos yn y Barbican, BBC, Ars Electronica, SXSW a MoMA. Mae Tom wedi curadu rhaglenni celf ddigidol ar gyfer gwyliau rhyngwladol gan gynnwys CPH:DOX, Sheffield Doc/Fest, Gŵyl Ffilmiau Ryngwladol India, Gŵyl Gwyddoniaeth a Chyfryngau Silbersalz, Gŵyl Ffilmiau Ryngwladol Bergen a Gŵyl Cyrion Adelaide.

Mae Tom yn Athro Cyswllt mewn Celf a Dylunio yn UWE Bryste, ac yn Gyfarwyddwr y Ganolfan Ymchwil Diwylliannau Digidol. Bu’n llywio prosiect Ambient Literature rhwng 2016 a 2019, a chydweithiodd â ffigurau cyhoeddi allweddol er mwyn herio effaith technolegau digidol ar ysgrifennu. Cafodd ei enwi’n un o’r 40 arloeswr mwyaf aflonyddgar gan Bookseller.

Mae Jo’n cefnogi partneriaethau ymchwil, datblygiad artistiaid a chymuned eang o drigolion. Mae hefyd yn Athro Gwadd yng Nghanolfan Ymchwil Diwylliannau Digidol UWE Bryste. Mae ganddi ddiddordeb mewn methodolegau sy’n dod â phobl ynghyd mewn ffurfiau cydweithredol ar gynhyrchu yn hytrach na rhai cystadleuol.

Mae Kirsten yn Athro mewn Rhyngweithio rhwng Cyfrifiaduron a Phobl ym Mhrifysgol Bryste. Mae ei hymchwil yn canolbwyntio ar gyd-ddylunio atebion technegol-gymdeithasol ar gyfer gwella profiadau pobl a’u rhyngweithio â’u hamgylchedd a’i gilydd, yn enwedig drwy ddefnyddio technolegau ymdrochol, ac mae wedi sicrhau mwy na £55m o gyllid ar gyfer ymchwil rhyngddisgyblaethol.

Mae Paul yn Gyd-gyfarwyddwr y Ganolfan Technolegau Creadigol ac yn ymchwilydd yn y Ganolfan Dyfodol Cymdeithasol-ddigidol. Paul sefydlodd MA Celfyddydau Ymdrochol (Realiti Rhithwir ac Estynedig) Bryste ac mae’n cydweithio â’r cwmni Uninvited Guests ar ddigwyddiadau sy’n mynd ati i dynnu eu cynulleidfaoedd i mewn i’r gweithgarwch.

Cyfarwyddwr a churadur yw Cathie Boyd sydd â 30+ mlynedd o brofiad ym myd opera, cerddoriaeth, y celfyddydau digidol, a ffilm. Hi sefydlodd Cryptic yn 1994, gan greu perfformiadau arloesol, cyfrwng cymysg. Cathie hefyd lansiodd Ŵyl Sonica Glasgow yn 2012, ac mae ei gwaith wedi’i gyflwyno mewn dros 30 o wledydd ledled y byd.

Astudiodd Claire y Celfyddydau Perfformio, gan arbenigo mewn dawns, ym Mhrifysgol De Montfort, Caerlŷr, ac ar ôl graddio symudodd i faes rheoli’r celfyddydau. Mae wedi bod yn allweddol wrth gyflwyno cyd-gynyrchiadau rhyngwladol a chynhyrchu gwaith sy’n teithio ar draws Ewrop, De America, Awstralia ac Asia.

Mae gan David 20 mlynedd o brofiad mewn rhaglennu diwylliannol, rheoli prosiectau, cyfathrebu digidol, a chynhyrchu digwyddiadau. Mae’n arwain strategaeth arloesi Nerve Centre, gan gynnwys datblygu rhaglenni ymgysylltu cyhoeddus mawr. Fe yw arweinydd Celfyddydau Ymdrochol yng Ngogledd Iwerddon ac yn ddiweddar roedd yn Uwch Gynhyrchydd ar gyfer y prosiect llwyddiannus Our Place in Space.

Mae Niall yn gweithio i sefydliad celfyddydau creadigol mwyaf blaenllaw Gogledd Iwerddon, gan weithio ar draws dysgu creadigol, diwylliant a ffilm. Mae Niall yn gyfrifol am amrywiaeth o brosiectau ymgysylltu arloesol, creadigrwydd digidol a chelfyddydau, gan gydweithio â phartneriaid diwylliannol a threftadaeth ledled Gogledd Iwerddon a’r tu hwnt.

Uwch Gynhyrchydd profiadol yw David, sy’n arwain tîm Profiadau Ymdrochol y Ganolfan, gan raglennu Bocs a chefnogi cynyrchiadau realiti ymestynnol. Mae’n cyd-greu prosiectau realiti ymestynnol llwyddiannus gyda phartneriaid fel y BBC, BFI, ac Opera Cenedlaethol Cymru ac yn helpu i yrru rhaglen Celfyddydau Ymdrochol, gan chwalu rhwystrau i artistiaid ymgysylltu â gwaith adrodd straeon ymdrochol.

Mae Mark yn arloeswr ym maes cynhyrchu ac arddangos realiti ymestynnol. Mae’n curadu’r arddangosfa Inter:Active yn CPH:DOX ac Electric Dreams, gŵyl adrodd straeon ymdrochol. Fel Pennaeth Astudiaethau CPH:LAB, mae’n datblygu ffurfiau adrodd straeon ffeithiol newydd. Drwy Crossover Labs, mae’n hyfforddi, yn ariannu, ac yn cynhyrchu gwaith ymdrochol llwyddiannus sy’n cael ei arddangos ledled y byd.

Mae Jo yn credu mai peth blasus, nid peth croes, yw bod yn ‘wahanol’. Mae’n gweithio yn y celfyddydau a diwylliant gan wreiddio’r gred bod amrywiaeth yn ychwanegu gwead, a throi polisi yn weithredu go iawn. Cenhadaeth Unlimited yw comisiynu gwaith rhyfeddol gan artistiaid anabl nes bod y sector diwylliannol cyfan yn gwneud hynny.

Gwneud ffilmiau yw cefndir Nina, sydd wedi ei harwain i fod yn newyddiadurwr sy’n canolbwyntio ar dechnolegau ymdrochol ar gyfer VRFocus yn creu cynnwys fideo ar-lein. Cyd-sefydlodd Fenter Amrywiaeth XR ac mae’n cynnal gweithdai ers 2018, gan hyfforddi dros 255 o gyfranogwyr sydd heb ddim profiad mewn technolegau ymdrochol i greu profiad mewn un diwrnod.

Asha yw Arweinydd Ymdrochol Innovate UK KTN. Mae’n arbennig o angerddol am helpu i hyrwyddo amrywiaeth a chynhwysiant yn y diwydiant. Mae’n un o aelodau gwreiddiol cangen Llundain o gymuned Menywod mewn Technoleg Ymdrochol (WiiT), mae’n gyd-sylfaenydd Menter Amrywiaeth XR, ac yn gynghorydd cydraddoldeb, amrywiaeth a chynhwysiant i gronfa Metaverse gyntaf Ewrop, FOV Ventures.

Mae Verity’n gweithio gydag artistiaid, technolegwyr, ymchwilwyr, a llunwyr polisi sydd â diddordeb mewn effaith technoleg ymdrochol ar gymdeithas. Fel Athro Cyswllt yn UWE Bryste, Verity sefydlodd un o raglenni meistr realiti ymestynnol cyntaf Ewrop a chyd-sefydlu’r Bristol VR Lab. Mae ei hymchwil yn canolbwyntio ar foeseg realiti ymestynnol, a hawliau dynol mewn amgylcheddau rhithwir.

Mae Tom yn Athro Cyswllt mewn Celf a Dylunio yn UWE Bryste, ac yn Gyfarwyddwr y Ganolfan Ymchwil Diwylliannau Digidol. Bu’n llywio prosiect Ambient Literature rhwng 2016 a 2019, a chydweithiodd â ffigurau cyhoeddi allweddol er mwyn herio effaith technolegau digidol ar ysgrifennu. Cafodd ei enwi’n un o’r 40 arloeswr mwyaf aflonyddgar gan Bookseller.

Mae Kirsten yn Athro mewn Rhyngweithio rhwng Cyfrifiaduron a Phobl ym Mhrifysgol Bryste. Mae ei hymchwil yn canolbwyntio ar gyd-ddylunio atebion technegol-gymdeithasol ar gyfer gwella profiadau pobl a’u rhyngweithio â’u hamgylchedd a’i gilydd, yn enwedig drwy ddefnyddio technolegau ymdrochol, ac mae wedi sicrhau mwy na £55m o gyllid ar gyfer ymchwil rhyngddisgyblaethol.

Mae Paul yn Gyd-gyfarwyddwr y Ganolfan Technolegau Creadigol ac yn ymchwilydd yn y Ganolfan Dyfodol Cymdeithasol-ddigidol. Paul sefydlodd MA Celfyddydau Ymdrochol (Realiti Rhithwir ac Estynedig) Bryste ac mae’n cydweithio â’r cwmni Uninvited Guests ar ddigwyddiadau sy’n mynd ati i dynnu eu cynulleidfaoedd i mewn i’r gweithgarwch.

Asha yw Arweinydd Ymdrochol Innovate UK KTN. Mae’n arbennig o angerddol am helpu i hyrwyddo amrywiaeth a chynhwysiant yn y diwydiant. Mae’n un o aelodau gwreiddiol cangen Llundain o gymuned Menywod mewn Technoleg Ymdrochol (WiiT), mae’n gyd-sylfaenydd Menter Amrywiaeth XR, ac yn gynghorydd cydraddoldeb, amrywiaeth a chynhwysiant i gronfa Metaverse gyntaf Ewrop, FOV Ventures.

Mae gwaith ffuglen Anthony yn canolbwyntio ar fywydau teuluoedd dosbarth gweithiol yn yr Ardal Ddu yng nghanolbarth Lloegr. Mae ei waith yn cynnwys y nofelau Heartland, How I Killed Margaret Thatcher ac Iron Towns. Bydd Necrosmologies, sef casgliad o waith ffuglen fer dychmygus, yn cael ei gyhoeddi gan The Braag yn hydref 2025.

Artist ac ymchwilydd ymdrochol yw Tosin sy’n gwirioni ar Realiti Rhithwir ac animeiddio 3D. Gydag ysbrydoliaeth gan chwedlau/traddodiadau plentyndod, mae’n defnyddio technoleg ymdrochol i drawsnewid gwaith adrodd straeon ac archwilio’i effaith. Mae’n waith hynod bersonol, wedi’i wreiddio yn y gred bod profiadau realiti ymestynnol yn ennyn emosiwn, yn tanio chwilfrydedd, ac yn creu profiadau agos-atoch.

Gofod Ymdrochi: Gofodau ar gyfer Profiadau Ymdrochol sydd i ddod

George oedd prif bensaer gofod celfyddydol prin gafodd ei gynllunio’n bwrpasol ar gyfer celf ymdrochol. Math newydd o oriel yn Watershed, Bryste yw Undershed ar gyfer “y gwaith celf ymdrochol a rhyngweithiol gorau”

Bydd yr ymchwil yn ddysgu gofodol – gan archwilio disgwyliad cynulleidfaoedd o’r deipoleg ofodol newydd yma, y Gofod Arddangos Ymdrochol. Sut gallai’r hyn a gyd-ddysgir o’r broses, lywio Gofodau ar gyfer Profiadau Ymdrochol sydd i ddod.

Artist o Fryste yw Ian Chamberlain sy’n gweithio o dan ddylanwad strwythurau wedi’u creu gan bobl. Mewn cydweithrediad ag AVR London (cwmni delweddu pensaernïol), mae’n archwilio sut mae cynulleidfaoedd newydd yn ymgysylltu â safleoedd penodol o ddiddordeb hanesyddol, cymdeithasol, amgylcheddol ac artistig drwy ymchwil ynghylch ‘Pa rôl y gall defnydd crefftus o dechnolegau ymdrochol ei chwarae o ran rhoi rhagor o fewnwelediad a hygyrchedd i leoliadau o bwys hanesyddol a chymdeithasol.’ Bydd yr ymchwil yn cyfuno dulliau digidol gyda gweithiau sydd wedi’u lluniadu, gan archwilio ffyrdd ymdrochol newydd o brofi drychau sain acwstig.

Ymchwilydd ar sail ymarfer yw Dr. Kerryn Wise sy’n archwilio’r defnydd o dechnolegau ymdrochol mewn arferion dawns a pherfformio. Nod ymchwil Kerryn yw deall sut mae’r defnydd o dechnolegau newydd yn effeithio ar ddulliau artistig a phrofiad y gynulleidfa o gynnwys celfyddydol a diwylliannol. Mae’n un o gyd-arweinwyr Stiwdio Perfformio Realiti Cymysg Displace, ac mae ei gwaith wedi teithio’n genedlaethol/rhyngwladol i wyliau fel SXSW, FIVARS ac Aesthetica. Mae’n un o gyn-artistiaid dawns QuestLab yn Studio Wayne McGregor ac yn artist cysylltiol yn Stiwdio Gynhyrchu Rithiol ac Ymdrochol Prifysgol Nottingham.

Artist, cynhyrchydd ac ymchwilydd sy’n byw yn Glasgow yw Tessa, sydd wedi cwblhau PhD ymarferol yn ddiweddar mewn moeseg dogfen realiti ymestynnol. Ochr yn ochr â’u gwaith academaidd, mae’n cynhyrchu profiadau rhyngweithiol, realiti rhithwir a realiti cymysg. Mae eu prosiectau creadigol yn rhannu themâu’n ymwneud â rhywioldeb, rhywedd, hunaniaeth gwiar ac ymgorfforiad. Yn eu gwaith, mae ganddynt ddiddordeb mewn mynediad a gofal cynulleidfaoedd, a democrateiddio’r gwaith o gynhyrchu realiti ymestynnol.

Cymrawd Ymchwil yn UWE Bryste yw Dr. Tom Livingstone.  Mae ei ymchwil yn canolbwyntio ar dechnolegau cyfryngol sy’n dod i’r amlwg a’u heffaith ar sut rydyn ni’n deall ac yn rhyngweithio â’r byd o’n cwmpas. Cyhoeddwyd ei lyfr cyntaf Hybrid Images and the Vanishing Point of Digital Visual Effects gan Wasg Prifysgol Caeredin ym mis Hydref 2024.

Crëwr realiti rhithwir llwyddiannus yw Alex, sy’n Bennaeth Technoleg Ddatblygol yn PwC. Mae wedi ysgrifennu, cyfarwyddo a chynhyrchu sawl darn realiti rhithwir gan gynnwys Keyed Alike, arbrawf meddwl rhyngweithiol Playing God a’i darn diweddaraf Rock Paper Scissors sef y prosiect realiti rhithwir cyntaf i gael ei ariannu gan Rwydwaith BFI.

Sefydlodd Caspar Sonnen IDFA DocLab yng Ngŵyl Ffilmiau Dogfen Ryngwladol Amsterdam yn 2007. Mae’n curadu, yn comisiynu ac yn ymchwilio i gelf ddigidol a chelf ymdrochol, o realiti ymestynnol a deallusrwydd artiffisial i osodweithiau synhwyraidd a theatr ymdrochol. Cyn hynny, cyd-sefydlodd Ŵyl Ffilmiau Awyr Agored Amsterdam.

Mae Catherine yn arbenigwr mewn technoleg ymdrochol sydd wedi ehangu ei chynulleidfa ac wedi eiriol dros ddefnydd cyfrifol ohoni. Enillodd ei gwaith ddoethuriaeth er anrhydedd iddi o Brifysgol Warwick. Arweiniodd ymdrechion realiti rhithwir cynnar y BBC, a sefydlodd Limina Immersive, gan gyrraedd dros 15,000 o fynychwyr yn fyd-eang drwy ddigwyddiadau realiti rhithwir diwylliannol.

Farah Ahmed (hi/nhw) yw Arweinydd Cyfiawnder Hinsawdd Julie’s Bicycle. Mae’n rheoli’r rhaglen Cyfiawnder Hinsawdd Creadigol, yn datblygu adnoddau, yn curadu digwyddiadau ac eiriolaeth, gan gysylltu cyfiawnder amgylcheddol, hiliol a chymdeithasol, a gwaith ymgyrchu creadigol. Mae Farah hefyd yn hwylusydd ar y rhaglen Arweinyddiaeth Hinsawdd Greadigol.

Ingrid yw Cyd-sylfaenydd a Chyfarwyddwr Labordai a Phartneriaethau Electric South, sefydliad dielw yn Cape Town sy’n datblygu ffurfiau newydd o adrodd straeon ledled Affrica. Mae Electric South yn gweithio gydag artistiaid rhyngddisgyblaethol ar draws y cyfandir i ddeori ac ariannu gwaith ymdrochol, ac yn ddiweddar mae wedi dechrau gweithio ar fentrau ymchwil a pholisi.

Mae Verity’n gweithio gydag artistiaid, technolegwyr, ymchwilwyr, a llunwyr polisi sydd â diddordeb mewn effaith technoleg ymdrochol ar gymdeithas. Fel Athro Cyswllt yn UWE Bryste, Verity sefydlodd un o raglenni meistr realiti ymestynnol cyntaf Ewrop a chyd-sefydlu’r Bristol VR Lab. Mae ei hymchwil yn canolbwyntio ar foeseg realiti ymestynnol, a hawliau dynol mewn amgylcheddau rhithwir.

Mae Ruth yn Gynhyrchydd a Chyfarwyddwr Creadigol sy’n arbenigo mewn celf, technoleg a chynaliadwyedd.

Rhwng 2009 a 2023, bu’n Gynhyrchydd ac yna’n Gyfarwyddwr i Abandon Normal Devices, gan arwain yr unig raglen grwydrol ddwyflynyddol ddigidol ym Mhrydain a chydweithio ag artistiaid fel Marshmallow Laser Feast, Matthew Plummer Fernandez, Daito Manabe, Ubermorgen a Studio Roosegaarde.

Alcemydd chwarae, technolegydd creadigol, hwylusydd, addysgwr a siaradwr TEDx yw Imwen, sy’n arbenigo mewn chwarae fel arf pwerus ar gyfer archwilio a thrawsnewid. Gydag 20 mlynedd o brofiad mewn adloniant ymdrochol, mae ei harbenigedd yn rhychwantu dylunio rhyngweithiol, mecaneg gemau, hwyluso gweithdai, a thechnoleg greadigol, gan wneud trawsnewidiadau cymhleth yn hygyrch drwy fethodolegau chwareus.

Ymchwilydd a gwneuthurwr cyfryngau rhyngweithiol ac ymdrochol yw Julia. Fel un o Gymrodyr Ymchwil y Canghellor ym Mhrifysgol Technoleg Sydney, mae’n defnyddio ymchwil sy’n cael ei arwain gan ymarfer i archwilio sut gall cyfryngau ymdrochol fynd i’r afael â’r argyfwng hinsawdd. Julia gyfarwyddodd y profiad sgrin deallusrwydd artiffisial cynhyrchiol cydweithredol Collective Visions.

Liz yw Curadur rhaglen Dethol a Chystadlu Swyddogol Gŵyl Ffilmiau Ryngwladol Biennale Fenis, Venice Immersive. Mae’n Uwch Gynhyrchydd ar nifer o brosiectau ymdrochol llwyddiannus a hi yw Sylfaenydd cwmni Power to the Pixel, sydd wedi creu rhaglenni ac arddangosfeydd rhyngwladol arloesol ar gyfer gweithiau ymdrochol a rhyngweithiol. Roedd ei chefndir ym maes ffilmiau nodwedd annibynnol.

Fel pennaeth partneriaethau cyfryngau newydd a chysylltiadau cyhoeddus, mae Myriam yn teithio’r byd yn chwilio am y gweithiau mwyaf arloesol ac ymdrochol i’w cyflwyno ym Montreal. Ers 2006, mae’n gweithio gyda Phoebe Greenberg i hyrwyddo ysgogiad creadigol PHI, wedi’i gyrru gan neges uchelgeisiol: datblygu a hyrwyddo arloesedd artistig yn y byd.

Artist a gwneuthurwr ffilmiau yw Ruthie Doyle sy’n byw yn Los Angeles. Ers 2013, mae’n gweithio gyda thîm rhaglen New Frontier Sefydliad Sundance, sy’n cefnogi ac yn arddangos artistiaid sy’n gweithio ar gydgyfeiriant ffilm, celf, y cyfryngau a thechnoleg yng Ngŵyl Ffilmiau Sundance, a thrwy gydol y flwyddyn drwy labordai a phreswyliadau.

Cynhyrchydd llwyddiannus yw Sarah Ellis, sydd hefyd yn siaradwr ac yn sylwebydd rheolaidd ar arfer celfyddydau digidol, ac yn Hyrwyddwr Diwydiant ar gyfer Canolfan Polisi a Thystiolaeth y Diwydiannau Creadigol, sy’n helpu i lywio ymchwil academaidd ar y diwydiannau creadigol er mwyn arwain at bolisïau gwell ar gyfer y sector.

Samantha yw Pennaeth Rhaglenni Celfyddydau VIVE, menter gelfyddydol fyd-eang sy’n cefnogi artistiaid a sefydliadau diwylliannol i arbrofi â thechnoleg ymdrochol. Cyn hynny, bu’n Uwch Gynhyrchydd Labordai Cynulleidfa yn y Tŷ Opera Brenhinol, rhaglen arloesi sy’n dod ag artistiaid a thechnoleg ymdrochol ynghyd i greu profiadau opera a bale cyfoes.