Gallech ddefnyddio’r cyllid ar gyfer:

• cynllunio, ymchwilio a datblygu — neu gyflwyno — prosiect celfyddydau ymdrochol
• mynychu preswyliadau, digwyddiadau a gweithdai perthnasol
• cael hyfforddiant a ffurfiau eraill o gefnogaeth
• prynu deunyddiau, trwyddedau meddalwedd ac offer technegol eraill
• talu artistiaid, technolegwyr a chydweithwyr eraill
• llogi stiwdios, mannau ymarfer, arddangosfeydd neu ddigwyddiadau
• ymchwilio ac ymgorffori opsiynau hygyrchedd ar gyfer anghenion mynediad cynulleidfaoedd
• gwneud digwyddiadau neu arddangosfeydd yn fwy hygyrch, amrywiol a chynhwysol (e.e. drwy dalu am gyfieithu BSL, fformatau hygyrch, is-deitlau ac ati)
• marchnata’ch prosiect a datblygu’ch cynulleidfa

Gweler ein canllawiau cyllido isod am fanylion llawn o’r costau cymwys.

Ynghyd â’r cyllid, rydym yn cynnig hyfforddiant a chefnogaeth bwrpasol:

• Mentora wedi’i deilwra gan Crossover Labs
• 3 x cyfarfod gyda Chynhyrchydd Celfyddydau Ymdrochol
• Rhwydwaith cyfoedion wedi’i hwyluso
• Digwyddiadau a chyfleoedd cenedl-benodol

Rydych chi’n gymwys i wneud cais am gyllid Ehangu os ydych chi:

• yn artist unigol, ymarferydd creadigol neu dechnolegydd creadigol
  (neu)
• yn gwneud cais ar ran sefydliad sy’n seiliedig ar y celfyddydau, grŵp bach neu gasgliad (10 person neu lai)
  
• yn byw yn y DU
• yn 18 oed neu’n hŷn
• yn meddu ar gyfrif banc yn y DU yn eich enw eich hun
• gyda chais sy’n cael ei arwain gan artist ac/neu wedi’i chanolbwyntio ar y celfyddydau ac sy’n defnyddio technoleg i gynnwys y gynulleidfa’n weithredol (dyma’n diffiniad ni o gelfyddyd ymdrochol)
• gyda phrosiect ar y gweill / prototeip / prawf cysyniad sydd eisoes wedi’i brofi (gan gynnwys yn anffurfiol) gyda chynulleidfaoedd neu ddefnyddwyr
• yn gwneud cais am y swm llawn
• gyda’ch cyllideb yn cynnwys taliad am eich amser a’r rhai sy’n ymwneud â’r prosiect, ac heb gynnwys unrhyw gostau anghymwys
  Darllenwch ein canllawiau am ragor o fanylion.

Mae artistiaid cymwys yn gallu cyflwyno un cais yn unig yn y rownd hon o gyllid — i Archwilio, Arbrofi neu Ehangu. Gallwch wneud cais yn y rownd hon hyd yn oed os gwnaethoch chi wneud cais mewn rownd flaenorol.

Gallwch wneud cais drwy sain, fideo neu destun — yn Gymraeg, Saesneg neu Iaith Arwyddion Prydain — gan ddefnyddio ein porth cais ar-lein.

Mae ein canllawiau cyllido ar gael i’w lawrlwytho isod yn y ffurfiau canlynol: Cymraeg, Saesneg, print bras, Darllen Hawdd, Iaith Arwyddion Prydain ac sain.

Y dyddiad cau ar gyfer ceisiadau yw Dydd Llun 29 Medi 2025 am 14:00.

Mewn rhai achosion, gallwn eich helpu gyda’ch cais drwy gyfrannu at gostau mynediad (e.e. gweithwyr cymorth neu gyfieithwyr).
Y dyddiad cau i ofyn am gefnogaeth mynediad yw Dydd Llun 1 Medi 2025 am 17:00.

Gallwch ddod o hyd i ragor o wybodaeth am gefnogaeth mynediad a sut i gysylltu â ni ar ein tudalen cefnogaeth mynediad.

Mae tair ffrwd wahanol o gyllid:

Archwilio (£5,000)
Arbrofi (£20,000)
Ehangu (£50,000)
 

Gallwch ddarganfod mwy ar ein tudalen Cyllid.