Mae’r Peth Mawr yn ddigwyddiad dros sawl diwrnod sy’n dod â chymuned y celfyddydau ymdrochol o bob rhan o wledydd Prydain ynghyd i gysylltu, cydweithio a chael eu hysbrydoli. Bydd y rhaglen yn cynnwys amrywiaeth ddeinamig o ran fformat y sesiynau h.y. sgyrsiau, trafodaethau panel, gweithdai, perfformiadau a digwyddiadau cymdeithasol.

Drwy gydol y digwyddiad bydd cyfle i chi gwrdd â phobl greadigol eraill, artistiaid, ochr yn ochr ag ymchwilwyr academaidd, newyddiadurwyr a chynrychiolwyr o leoliadau fel orielau a theatrau, sefydliadau celfyddydol, asiantaethau a grwpiau cymunedol. Mae’r rhaglen wedi’i chreu ar gyfer lefelau amrywiol o gynefindra â’r celfyddydau ymdrochol, o’r rhai sy’n archwilio’r ffurf am y tro cyntaf, i’r rhai mwy profiadol.

Bydd Y Peth Mawr yn cael ei gynnal rhwng dydd Llun 9 Mehefin a dydd Mercher 11 Mehefin 2025. Cynhelir y prif weithgareddau ar 10 ac 11 Mehefin, gyda digwyddiad cynhesu gyda’r nos ar 9 Mehefin.

9 Mehefin – Cysylltu
18:00 i 21:00

Noson agoriadol o gymdeithasu a cherddoriaeth fyw mewn partneriaeth ag UKBlackTech a Diwydiant Ffonograffig Prydain

10 Mehefin – Ysbrydoli
11:00 i 18:00 – Prif areithiau, sgyrsiau, paneli a digwyddiadau cymdeithasol

18:00 i 00:00 – Cymdeithasu dros fwyd a diod, cerddoriaeth fyw a dawnsio

11 Mehefin – Esblygu

10:00 i 17:00 – Trafodaethau, byrddau crwn, gweithdai, sgyrsiau a digwyddiadau cymdeithasol

17:00 i 20:00 – Sylwadau cloi, cymdeithasu dros fwyd a diod

Bydd yr amserlen lawn gan gynnwys manylion am yr hyn sydd i’w ddisgwyl ar gyfer pob sesiwn, yn fyw ar 24 Ebrill.

Gellir prynu tocynnau yn uniongyrchol o’n tudalen docynnau ar: EVENTIVE

Er mwyn prynu tocyn bydd gofyn i chi gofrestru ar gyfer cyfrif Eventive. Bydd y cyfrif hwn yn caniatáu ichi gadw amserlen ac archebu lle ar gyfer sesiynau lle mae nifer cyfyngedig o leoedd.

Mae dwy haen o docynnau ar gael i leihau rhwystrau ariannol rhag mynychu, sef y Tocyn Llawn a Thocyn Cyfradd Is. Mae’r ddau docyn yn rhoi mynediad cyfartal i bob sesiwn a gweithdy. Mae’r Peth Mawr yn ddigwyddiad nid-er-elw, a bydd yr holl incwm a godir drwy werthu tocynnau yn mynd yn syth yn ôl i gost y digwyddiad a chefnogi eraill i fynychu.

Y Tocyn Llawn

Mae hwn ar gyfer unigolion a sefydliadau sydd â’r modd i dalu’r gyfradd safonol, gan helpu i gynnal Y Peth Mawr a’i gadw’n hygyrch.

Arferol: £140

 Cyw Cynnar: £100

(Daw gwerthiant tocynnau cyw cynnar i ben ddydd Gwener 21 Ebrill)

Y Tocyn Cyfradd Is

Mae hwn ar gyfer unigolion ar incwm is na fyddent o bosibl yn gallu mynychu fel arall.

Arferol: £60

Cyw Cynnar: £50

(Daw gwerthiant tocynnau cyw cynnar i ben ddydd Gwener 21 Ebrill)

Bydd nifer cyfyngedig o fwrsariaethau ar gael i gefnogi artistiaid i fynychu’r Peth Mawr pan fo costau teithio, llety a thocyn yn rhwystr iddynt fynychu.

Find our more and apply here.

Yn anffodus, er mwyn cadw’r Peth Mawr mor fforddiadwy â phosibl, ni allwn gynnig ad-daliadau.

Gallwch drosglwyddo tocyn rydych wedi’i brynu drwy eich cyfrif Eventive:

• I wneud hynny, dilynwch y cyfarwyddiadau isod:
• Mewngofnodwch i’ch cyfrif Eventive
• Cliciwch ar ‘My Passes’ o’r ddewislen
• Cliciwch ar y botwm ‘Manage’ wrth ymyl y tocyn yr hoffech ei drosglwyddo, yna cliciwch ar ‘Transfer pass’
• Rhowch gyfeiriad e-bost y derbynnydd a chliciwch ‘Submit’
• Bydd y derbynnydd yn derbyn e-bost sy’n cynnwys dolen sy’n caniatáu iddynt naill ai ychwanegu’r tocyn at eu cyfrif Eventive presennol neu greu cyfrif newydd os nad oes ganddynt un yn barod.
• Unwaith y bydd y derbynnydd wedi derbyn y tocyn drwy e-bost, bydd y tocyn wedi’i drosglwyddo’n llwyddiannus.

Wrth archebu neu gofrestru am docyn, gofynnir i chi nodi eich ceisiadau hygyrchedd ar y ffurflen dalu. Byddwn yn gwneud ein gorau i ddarparu ar gyfer anghenion hygyrchedd

Darllenwch ein Datganiad Hygyrchedd – a’r darpariaethau Hygyrchedd a amlinellir ar gyfer pob digwyddiad – er mwyn deall beth i’w ddisgwyl gan y trefnwyr a gan y lleoliadau, trafnidiaeth a’r opsiynau llety.

Nodwch eich gwybodaeth hygyrchedd ar adeg prynu neu gofrestru eich tocyn fel y gallwn gynllunio sut orau i’ch cefnogi. Os nad yw hyn yn bosibl, dylai cynadleddwyr anfon unrhyw geisiadau at y trefnwyr drwy e-bost neu dros y ffôn erbyn dydd Llun 12 Mai. Bydd y manylion cyswllt hyn ar gael yn yr e-bost cadarnhau unwaith y bydd cynadleddwyr wedi prynu neu gofrestru eu tocyn.

Mae eich tocyn cynadleddwr yn cynnwys cinio bwffe ysgafn ar 10 ac 11 Mehefin a swper bwffe ar 10 Mehefin.

Wrth brynu eich tocyn, cwblhewch y ffurflen gan nodi unrhyw ofynion dietegol fel y gallwn ddarparu ar eich cyfer. Bydd bwydlenni yn rhestru alergenau.

Bydd diodydd poeth a lluniaeth ar gael i’w prynu ger y lleoliadau canolog. Gallwch ddod o hyd i ragor o wybodaeth am ble i fwyta ac yfed pan fyddwch yn Bradford ar wefan Bradford 2025.

Bydd derbyniadau a digwyddiadau cymdeithasol yn ystod Y Peth Mawr lle bydd diodydd alcoholig a di-alcohol yn cael eu gweini neu ar gael i’w prynu.

Mae dwy orsaf reilffordd yn agos at y prif leoliadau: Cyfnewidfa Bradford (Bradford Interchange) (6 munud ar droed i Neuadd St George) a Bradford Forster Square (10 munud ar droed i Neuadd St George). Mae’r ddwy orsaf yma yn cysylltu â llawer o lefydd gan gynnwys Caerdydd, Caeredin a Llundain.

Mae gwybodaeth am Gyfnewidfa Bradford ar gael ar wefan National Rail. Mae ffotograffau a rhagor o wybodaeth am yr hygyrchedd ar AccessAble.

Mae gwybodaeth am orsaf Bradford Forster Square ar gael ar wefan National Rail. Mae ffotograffau a rhagor o wybodaeth am yr hygyrchedd yno ar AccessAble.

Mae Bradford yn gweithredu Parth Aer Glân, felly os ydych chi’n gyrru i ganol y ddinas, gallwch wirio a oes angen i chi dalu ar wefan Cyngor Bradford.

Mae mannau parcio i bobl anabl yn agos at Neuadd St George a gwesty’r Great Victoria Hotel ar gyfer deiliaid Bathodynnau Glas ar gael gyferbyn â drysau ffrynt y Gwesty ar Drake Street.

Mae rhestr o feysydd parcio’r Cyngor ar gael ar wefan Cyngor Bradford. Y meysydd parcio agosaf at y lleoliadau canolog yw Maes Parcio’r Llysoedd Barn (Law Courts Car Park) ar Vicar Lane (4 munud ar droed i Neuadd St George) neu Faes Parcio Broadway ar Hall Ings (2 funud ar droed i Neuadd St George).

Mae 3 maes awyr rhanbarthol ar gyfer Bradford:

Maes Awyr Leeds Bradford (LBA) sydd 6.5 milltir o’r ddinas ac mae’r bws yn cymryd ryw awr. Gellir archebu tocynnau drwy www.flyerbytransdev.palisis.com

Mae maes awyr Manceinion (MAN) 36.8 milltir i ffwrdd a gellir ei gyrraedd ar sawl trên ac mae’n cymryd tua 2 awr. Gellir archebu tocynnau drwy www.nationalrail.co.uk/journey-planner

Mae maes awyr Lerpwl (LPL) 55.5 milltir i ffwrdd ac yn cynnwys nifer o drenau a bysiau sy’n cymryd ychydig yn llai na 3 awr. Gellir archebu tocynnau drwy

www.nationalrail.co.uk/journey-planner

Mae bysiau yn cysylltu Bradford â threfi a dinasoedd gan gynnwys Llundain, Caerdydd a Chaeredin. Mae Gorsaf Fysiau Cyfnewidfa Bradford 6 munud ar droed o Neuadd St George. Gellir archebu tocynnau drwy wefan National Express. Mae gwybodaeth am bolisïau hygyrchedd a chod ymarfer National Express ar gael yma.

Mae sawl cwmni tacsi lleol ac apiau rhannu teithiau gan gynnwys Uber ar gael.

Mae gan dacsis Leap gerbydau hygyrch ac mae Uber Access and Assist ar gael yn Bradford.

Gall pobl sy’n defnyddio cadeiriau olwyn modur neu sgwteri archebu cerbydau sy’n hygyrch i gadeiriau olwyn (WAV) drwy Uber os ydynt wedi’u cofrestru ymlaen llaw. Mae partneriaid-gyrwyr uberWAV wedi’u hardystio gan drydydd parti i yrru’n ddiogel a chynorthwyo pobl anabl. Mae gwybodaeth ar gael yma.

Mae raciau parcio beiciau ar gael ar Vicar Lane a ger Llys y Goron. Mae’r ddau le yma 4 munud ar droed o Neuadd St George.

Bydd Y Peth Mawr yn cael ei gynnal yn Bradford, Lloegr. Cynhelir y digwyddiad mewn lleoliadau o amgylch sgwâr Centenary Square, BD1 1SD, yng nghanol y ddinas. Mae pob lleoliad ryw bum i ddeg munud ar droed oddi wrth ei gilydd.

Y prif leoliadau ar gyfer The Big Thing fydd Neuadd St George (St George’s Hall) ar 10 Mehefin a gwesty’r Great Victoria Hotel ar 11 Mehefin.

Mae Neuadd St George yn lleoliad cyngerdd mawreddog o’r bedwaredd ganrif ar bymtheg lle byddwn yn cynnal sgyrsiau, paneli a pherfformiadau ar 10 Mehefin.

Mae gan y lleoliad hwn fynediad heb risiau i’r lobi a’r bar, a lifft i lefel y seddau blaen. Mae 12 lle i gadeiriau olwyn yn Neuadd St George a thoiledau hygyrch i gadeiriau olwyn. Y tu allan i’r lleoliad, ar Drake Street, mae man gollwng gyda mynediad i’r ramp i lefel y seddau blaen. Ni all Neuadd St George ddarparu ar gyfer sgwteri a cherbydau eraill sydd wedi’u cynllunio i’w defnyddio yn yr awyr agored.

Bydd staff y lleoliad sydd wedi derbyn hyfforddiant cymorth cyntaf ar gael drwy gydol y dydd ac mae cadeiriau gwacáu adeilad yn eu lle ar gyfer defnyddwyr cadeiriau olwyn.

Rhestrir rhywfaint o wybodaeth am hygyrchedd ar wefan Neuadd St George.

Gwesty rheilffordd Fictoraidd yw gwesty’r Great Victoria sydd wedi’i leoli’n gyfleus ar draws y ffordd o orsaf fysiau a threnau Cyfnewidfa Bradford. Bydd y gwesty yn cynnal sgyrsiau, paneli, gweithdai, sesiynau bord gron a chyfarfodydd ar 11 Mehefin.

Mae gan y Gwesty ramp i fyny at ei brif fynedfa, a mynediad heb risiau o Drake Street i mewn i ystafell Velasco. Yn y gwesty ei hun, mae mynediad heb risiau i’r holl ystafelloedd sy’n cael eu defnyddio ar gyfer ein digwyddiad ac i rai o’r ystafelloedd gwely (drwy lifft sy’n gweithio). Mae toiled hygyrch ar y llawr gwaelod. Bydd staff y lleoliad sydd wedi derbyn hyfforddiant cymorth cyntaf ar gael i gynorthwyo gwesteion.

Mae gwesty’r Great Victoria wedi’i restru ar AccessAble ac mae hyn yn cynnwys ffotograffau, gwybodaeth am fynediad at wahanol rannau o’r adeilad, toiledau hygyrch a gwybodaeth arall.

Mae’r adeilad hwn o’r bedwaredd ganrif ar bymtheg gyda thŵr cloc nodedig yn Centenary Square. Yma cynhelir trafodaethau, cyfarfodydd a derbyniadau.

Mae’r lleoliad hwn wedi’i gofrestru ar wefan AccessAble ac mae’n cynnwys ffotograffau, manylion ystafelloedd a chyfleusterau.

Y Sgwâr hwn yw canolbwynt nifer o leoliadau’r digwyddiad. Yn ystod Y Peth Mawr, rydyn ni’n gobeithio bydd yr haul yn gwenu fel y gallwn ni wneud cyflwyniadau, meithrin cysylltiadau a chymdeithasu yn y prif sgwâr yma.

Mae gwybodaeth am bwyntiau mynediad a pharcio wedi’i chynnwys yn y cofrestriad ar AccessAble.

Mae Sunbridge Wells yn gyfadeilad twnnel Fictoraidd sy’n cynnwys bariau, bwytai a siopau ac mae wedi’i leoli ychydig oddi ar Centenary Square. O fewn y twneli mae Wallers Brewery, bar a fydd yn croesawu cynadleddwyr y Peth Mawr ar gyfer digwyddiadau cymdeithasol.

Rhestrir Sunbridge Wells ar AccessAble. Sylwch nad yw’r llawr yn wastad.

Oriel ffotograffau a chanolfan yw Oriel Impressions sy’n cynnal gweithgareddau diwylliannol ac sydd yr ochr arall i Centenary Square o Neuadd y Ddinas. Bydd yr Oriel yn cynnal digwyddiad cymdeithasol fel rhan o’r Peth Mawr.

Mae Oriel Impressions wedi’i rhestru ar AccessAble. Mae tŷ bach hygyrch ar gael.

Mae nifer o westai i’w cael yn agos at leoliadau’r digwyddiad. Mae’r gwestai canlynol wedi neilltuo nifer o ystafelloedd i gynadleddwyr archebu’r rhain am bris gostyngol ar gyfer aros ar nosweithiau 9 a/neu 10 Mehefin.

Leonard Hotel Bradford, 2 Thornton Road, Bradford, BD1 2DH

7 munud ar droed o Neuadd St George a 9 munud ar droed o orsaf reilffordd Cyfnewidfa Bradford.

Pris ystafelloedd dwbl gyda brecwast yw £75.

Mae nifer cyfyngedig o ystafelloedd hygyrch ar gael. (e.e. mynediad heb risiau, cawodydd rholio i mewn, bariau cydio).

Archebwch drwy eu gwefan a dilynwch y camau hyn:

1. dewiswch ‘Leonardo Bradford Hotel’
2. ychwanegwch ddyddiadau
3. Dewiswch ystafell / oedolyn
4. ychwanegwch y cod hyrwyddo: LHBRAD090625
5. Cliciwch ar ‘search’

Holiday Inn Express, Vicar Lane, Bradford BD1 5LD

5 munud ar droed o Neuadd St George a 2 funud ar droed o orsaf reilffordd Cyfnewidfa Bradford.

Pris ystafelloedd dwbl gyda brecwast yw £70.

Nid oes ystafelloedd hygyrch yn y gwesty hwn.

Archebwch gan ddefnyddio’r ddolen hon i’w gwefan a dilynwch y camau hyn:

1. Cliciwch ar y botwm gwyn ‘View Prices’ ar ochr dde uchaf y sgrin
2. Ychwanegwch Ddyddiadau
3. Dewiswch Ystafelloedd a Gwesteion
4. Anwybyddwch y ddewislen Rate Preference. Does dim angen cod arnoch, bydd y ddolen yn cynhyrchu’r gyfradd ostyngol yn awtomatig.
5. Cliciwch ar ‘View Prices’.

Mae yna westai eraill yn agos at y lleoliadau canolog. Nid oes ganddynt ystafelloedd wedi’u neilltuo ac ystafelloedd am bris gostyngol ar gyfer cynadleddwyr, ond mae ystafelloedd ar gael ganddynt (dyddiad gwirio, 17 Mawrth 2025).

Premier Inn Bradford Central Hotel, Vicar Lane, Bradford, BD1 5LD

5 munud ar droed o Neuadd St George a 2 funud ar droed o orsaf reilffordd Cyfnewidfa Bradford.

Ystafelloedd dwbl ar gael o £52.

Mae gan y gwesty hwn rai ystafelloedd hygyrch a gellir cysylltu â nhw i drafod hyn trwy e-bost pi.accessible@whitbread.com neu ffoniwch 0333 091 9817.

Archebwch drwy eu gwefan neu dros y ffôn 0333 321 9237.

Wrth archebu neu gofrestru am docyn, gofynnir i chi nodi eich ceisiadau hygyrchedd ar y ffurflen dalu. Byddwn yn gwneud ein gorau i ddarparu ar gyfer anghenion hygyrchedd

Darllenwch yr adran Hygyrchedd isod i ddeall beth i’w ddisgwyl gan y trefnwyr a’r lleoliadau, cludiant a’r opsiynau llety.

Nodwch eich anghenion hygyrchedd ar adeg prynu neu gofrestru eich tocyn fel y gallwn gynllunio sut orau i’ch cefnogi. Os nad yw hyn yn bosibl, dylai cynadleddwyr anfon unrhyw geisiadau at y trefnwyr drwy e-bost neu dros y ffôn erbyn dydd Llun 12 Mai. Bydd y manylion cyswllt hyn ar gael yn yr e-bost cadarnhau unwaith y bydd cynadleddwyr wedi prynu neu gofrestru eu tocyn.

Mae’r toiledau Changing Places (toiledau sy’n fwy na’r toiledau hygyrch safonol) agosaf i’r lleoliadau canolog wedi’u nodi isod ac mae rhagor o fanylion am ble i ddod o hyd iddynt yma.

Bydd Cydlynydd Mynediad pwrpasol ar gael yn y lleoliadau canolog ar ddau ddiwrnod y digwyddiad. Bydd gwirfoddolwyr ar gael i gefnogi a thywys cynrychiolwyr rhwng gorsafoedd trenau neu fysiau, lleoliadau, mannau gollwng, neu westai cyfagos. Rhaid gofyn am y cymorth hwn ymlaen llaw erbyn dydd Llun 12 Mai.

Mae croeso i gŵn cymorth hyfforddedig. Bydd dŵr yn cael ei ddarparu ar gyfer cŵn. Bydd gwirfoddolwyr yn gallu eistedd gyda chŵn am gyfnodau cyfyngedig o amser os bydd angen, gofynnwch i’r Cydlynydd Mynediad am hyn yn y lleoliad.

Os oes gan gynadleddwyr alergedd at gŵn, dylent roi gwybod i ni ar y ffurflen gofynion mynediad wrth brynu eu tocyn. Yna gallwn gymryd camau rhesymol i sicrhau bod y person hwnnw’n cael bach iawn o gyswllt, os o gwbl, â chŵn drwy sicrhau nad yw mannau yn y lleoliad yn cynnwys cŵn.

Bydd deunydd print cyfyngedig ar gyfer y digwyddiad, ond gellir cynhyrchu fformatau amgen ar gais, gan gynnwys print bras, sain, braille a hawdd ei ddarllen. Y dyddiad cau ar gyfer gwneud cais am fformatau amgen yw dydd Llun 12 Mai.

Bydd cyflwyniadau sy’n sgrolio yn cael eu dangos ar wahanol adegau yn ystod y digwyddiad, gan gynnwys fideo a sain a fydd yn cynnwys capsiynau. Gofynnir i bob cyflwynydd ddisgrifio’r delweddau a ddefnyddiwyd ar ffurf sain a chrynhoi cynnwys gweledol y deunydd fideo a ddefnyddiwyd.

Bydd man gorffwys ar gael drwy gydol y digwyddiad. Dyma le i gymryd seibiant o’r digwyddiad a bydd offer i’ch helpu i ymlacio, gan gynnwys masgiau llygaid, clustffonau canslo sŵn, blancedi, teganau fidget, a mwy. Bydd gan y gofod gorffwys amrywiaeth o opsiynau i eistedd neu orwedd.

Bydd agwedd ymlaciedig tuag at sŵn a symudiadau yn y digwyddiad ac mae rhyddid i bobl fynd a dod ym mhob sesiwn fel y mynnant. Cedwir y golau ymlaen yn isel yn yr awditoriwm er mwyn caniatáu symud yn hawdd a bydd sain yn ystod cyflwyniadau yn cael ei chadw ar lefel gyfforddus.

Yn ystod perfformiadau gyda’r nos efallai y bydd effeithiau goleuo a sŵn uchel ac fe nodir hyn yn yr eitem ar yr amserlen.

Darperir dehongliad BSL ar gyfer y digwyddiadau llafar ffurfiol yn y lleoliadau canolog. Gall nifer cyfyngedig o ddehonglwyr fod ar gael yn ystod y sesiynau rhwydweithio, y trafodaethau a’r byrddau crwn. Rhowch wybod i ni os bydd angen cymorth o’r fath arnoch erbyn dydd Llun 12 Mai.

Bydd lleferydd i destun byw yn cael ei ddarparu ar y brif sgrin a ddefnyddir gan gyflwynwyr yn Neuadd St George ar 10 Mehefin. Bydd lleferydd i destun ar gael ar gyfer dyfeisiau sgrin unigol (er enghraifft, ffonau clyfar a llechi) yn ystod fformatau sgwrs eraill ar 11 Mehefin. Darperir hyn drwy fewngofnodi i ddolen we a ddarperir gan y capsiynau. Bydd y ddolen yn cael ei harddangos yn amlwg ym mhob ystafell lle bydd cyflwyniadau’n digwydd.

Mae gan Neuadd St George system dolenni sain.

Mae system dolen sain ar gyfer fformatau sgwrs a phanel yng ngwesty’r Great Victoria ar gael ar gais. Rhowch wybod i ni os oes angen dolen sain arnoch yn eich gofynion mynediad wrth brynu tocyn ac erbyn dydd Llun 12 Mai.