Ymchwil
Datblygu Artistiaid a Chynulleidfa
Datblygu Artistiaid a Chynulleidfa
Yn Celfyddydau Ymdrochol, rydyn ni’n defnyddio dull a arweinir gan artistiaid o weithio gyda thechnolegau ymdrochol i gynnwys y gynulleidfa mewn ffordd rhagweithiol - a thrwy'r ymchwil hon, rydyn ni’n gobeithio dysgu mwy am artistiaid sy'n gweithio yn y gofod hwn a sut y gallwn ni ddatblygu cynulleidfaoedd ar gyfer gweithiau ymdrochol.
Mae’r bobl ganlynol yn archwilio’r gwaith ymchwil hwn: Paul Clarke (Athro Cyswllt mewn Perfformio a Thechnolegau Creadigol, Prifysgol Bryste), Verity McIntosh (Cyfarwyddwr a Phrif Ymchwilydd, Celfyddydau Ymdrochol, UWE Bryste), Oluwatosin Olufon, sy’n gwneud Doethuriaeth yn y Celfyddydau Ymdrochol ar sail Ymarfer yn UWE Bryste a Chymrawd Ymchwil, sydd eto i ymuno â’r tîm.
Datblygu Artistiaid a Chynulleidfa
Fel man cychwyn, rydyn ni’n archwilio’r apêl sydd gan realiti ymdrochol i artistiaid; yr uchelgais sydd gan artistiaid ar gyfer y ffurfiau newydd hyn; sut maen nhw’n esblygu neu’n ymwahanu oddi wrth ffurfiau celfyddydol a ffyrdd o weithio sy’n bodoli eisoes; y ffyrdd y mae artistiaid yn dylunio ar gyfer gofynion mynediad amrywiol; a’r pryderon sydd gan artistiaid am effaith ffurfiau celfyddydol ymdrochol ar y sector ehangach.
Fel man cychwyn, rydyn ni’n archwilio’r apêl sydd gan realiti ymdrochol i artistiaid; yr uchelgais sydd gan artistiaid ar gyfer y ffurfiau newydd hyn; sut maen nhw’n esblygu neu’n ymwahanu oddi wrth ffurfiau celfyddydol a ffyrdd o weithio sy’n bodoli eisoes; y ffyrdd y mae artistiaid yn dylunio ar gyfer gofynion mynediad amrywiol; a’r pryderon sydd gan artistiaid am effaith ffurfiau celfyddydol ymdrochol ar y sector ehangach.
Rydyn ni hefyd yn ystyried y ffyrdd y mae cynulleidfaoedd profiadau ymdrochol yn wahanol i gynulleidfaoedd celfyddydol traddodiadol; pwy sydd ar goll a pham; effaith ac ystyr gweithiau ymdrochol ar gyfer cynulleidfaoedd; y rhwystrau rhag cyrraedd cynulleidfa; y cyfleoedd hybrid amrywiol y mae cyfryngau ymdrochol yn eu cynnig i gynulleidfaoedd amrywiol a gwasgaredig; a modelau arferion gorau.
Rydyn ni hefyd yn awyddus i ddysgu gan yr ymchwil anhygoel sy’n cael ei gwneud gan eraill ledled y byd ac ymhelaethu arni. Os oes gennych chi rywbeth yr hoffech ei rannu gyda ni, cysylltwch â ni.
