Ydych chi’n artist gyda meddwl chwilfrydig sydd eisiau archwilio celfyddydau/technolegau ymdrochol?

Gallech ddefnyddio’r cyllid Archwilio ar gyfer:

• archwilio sut y gall technolegau ymdrochol wahanol ymgysylltu â chynulleidfa gyda’ch gwaith
• ymchwilio i neu ddatblygu syniadau ar gyfer prosiect celfyddydau ymdrochol
• mynychu preswyliadau, digwyddiadau a gweithdai perthnasol
• cael hyfforddiant a ffurfiau eraill o gefnogaeth
• prynu deunyddiau, trwyddedau meddalwedd ac offer technegol eraill
• talu artistiaid, technolegwyr a chydweithwyr eraill
• llogi stiwdios, mannau ymarfer, arddangosfeydd neu ddigwyddiadau
• ymchwilio i opsiynau hygyrchedd ar gyfer anghenion mynediad cynulleidfaoedd
• gwneud profion cynulleidfa neu arddangosfeydd yn fwy hygyrch, amrywiol a chynhwysol (e.e. drwy dalu am gyfieithu BSL, fformatau hygyrch, is-deitlau ac ati)

Gweler ein canllawiau cyllido isod am fanylion llawn o’r costau cymwys.

Ynghyd â’r cyllid, rydym yn cynnig hyfforddiant a chefnogaeth bwrpasol:

• 3 x cyfarfod gyda Chynhyrchydd Celfyddydau Ymdrochol
• Rhwydwaith cyfoedion wedi’i hwyluso
• Digwyddiadau a chyfleoedd cenedl-benodol

Rydych chi’n gymwys i wneud cais am gyllid Archwilio os ydych chi:

• yn artist unigol, ymarferydd creadigol neu dechnolegydd creadigol `
  (neu)
• yn gwneud cais ar ran sefydliad sy’n seiliedig ar y celfyddydau, grŵp bach neu gasgliad (10 person neu lai)

ac os ydych chi hefyd:

• yn byw yn y DU
  yn 18 oed neu’n hŷn
• yn meddu ar gyfrif banc yn y DU yn eich enw eich hun
• gyda prin neu ddim profiad o gelfyddydau ymdrochol
• gyda chynnig sy’n cael ei arwain gan artist ac/neu wedi’i ganolbwyntio ar y celfyddydau, ac sy’n archwilio’r defnydd o dechnoleg ymdrochol yn eich ymarfer creadigol
• yn gwneud cais am y swm llawn
• gyda’ch cyllideb yn cynnwys taliad am eich amser a’r rhai sy’n ymwneud â’r gweithgaredd, ac heb gynnwys unrhyw gostau anghymwys

Mae artistiaid cymwys yn gallu cyflwyno un cais yn unig yn y rownd hon o gyllid — i Archwilio, Arbrofi neu Ehangu. Gallwch wneud cais yn y rownd hon hyd yn oed os gwnaethoch chi wneud cais mewn rownd flaenorol.

Gallwch wneud cais drwy sain, fideo neu destun — yn Gymraeg, Saesneg neu Iaith Arwyddion Prydain — gan ddefnyddio ein porth cais ar-lein.

Mae ein canllawiau cyllido ar gael i’w lawrlwytho isod yn y ffurfiau canlynol: Cymraeg, Saesneg, print bras, Darllen Hawdd, Iaith Arwyddion Prydain ac sain.

Y dyddiad cau ar gyfer ceisiadau yw Dydd Llun 29 Medi 2025 am 14:00.

Mewn rhai achosion, gallwn eich helpu gyda’ch cais drwy gyfrannu at gostau mynediad (e.e. gweithwyr cymorth neu gyfieithwyr).
Y dyddiad cau i ofyn am gefnogaeth mynediad yw Dydd Llun 1 Medi 2025 am 17:00.

Gallwch ddod o hyd i ragor o wybodaeth am gefnogaeth mynediad a sut i gysylltu â ni ar ein tudalen cefnogaeth mynediad.