Mae cymorth hygyrchedd ar gael ar gyfer:

• pobl sy’n Fyddar, yn anabl neu’n niwroamrywiol
• pobl sy’n profi problemau iechyd corfforol neu feddyliol gwael yn y tymor byr neu’r tymor hir. 

Rydyn ni’n gweithio’n agos gyda’n partner Unlimited, sefydliad celfyddydau anabledd blaenllaw.

Os na allwch chi ddod o hyd i’r wybodaeth hygyrchedd sydd ei hangen arnoch ar y dudalen yma, anfonwch e-bost aton ni neu ffoniwch/tecstiwch 07926 699909.

Dim ond yn rhan-amser mae staff yn gallu ateb ein ffôn, felly os nad ydyn ni ar gael pan fyddwch yn ffonio gallwch adael neges llais i ni a byddwn yn cysylltu â chi cyn gynted â phosib.

Darllenwch Ganllawiau Celfyddydau Ymdrochol i ddeall y broses ariannu a gwneud cais. Mae’r ddogfen ganllawiau ar gael yn y fformatau canlynol:

• print bras
  
• hawdd ei ddarllen
• sain
• Iaith Arwyddion Prydain

Gallwch wneud cais i gronfa Celfyddydau Ymdrochol gan ddefnyddio ein porth ymgeisio ar-lein. A gallwch wneud cais drwy sain, fideo neu destun, ac yn Gymraeg, yn Saesneg, neu yn Iaith Arwyddion Prydain. 

Gallwch lawrlwytho rhagolwg o’r ffurflenni cais i weld y cwestiynau a sut maen nhw wedi’u trefnu. Gall hyn eich helpu i baratoi eich atebion a gweithio allan unrhyw gymorth y gallech fod ei angen cyn gwneud cais ar y porth ymgeisio:

• Archwilio
• Arbrofi
• Estyn

Y dyddiad cau ar gyfer ceisiadau yw 2pm, dydd Llun 29 Medi 2025.

Mewn rhai achosion, gallwn ni helpu gyda chostau’r cymorth hygyrchedd sydd ei angen arnoch i gwblhau cais. Gallai hyn gynnwys:

• gweithiwr cymorth
• Dehonglydd Iaith Arwyddion Prydain neu gymerwr nodiadau

Darllenwch ein dogfen Gwybodaeth i Artistiaid a Chyd-weithwyr Cymorth cyn gwneud cais am gefnogaeth.

Llenwch y ffurflen yma i ofyn am gymorth gyda chostau hygyrchedd. Byddwn yn anelu at ymateb a chadarnhau eich cais o fewn pythefnos.

Os oes angen y ffurflen arnoch mewn fformat arall, e-bostiwch ni neu ffoniwch/anfonwch neges destun aton ni i 07926 699909.

Dyddiad cau i ofyn am gymorth hygyrchedd: 5pm, Dydd Llun 1 Medi 2025.

Er mwyn rhoi digon o amser i ni drefnu’r cymorth sydd ei angen arnoch cyn y dyddiad cau ar gyfer y cylch ariannu (29 Medi 2025).

Rydyn ni’n deall bod gofynion hygyrchedd yn gallu amrywio, isod mae canllaw yn seiliedig ar y cymorth oedd ei angen ar bobl y llynedd:

• Archwilio: Hyd at 8 awr o gymorth
• Arbrofi: 8-16 awr
• Estyn: Hyd at 8 awr i lenwi’r ffurflen Mynegi Diddordeb.
  
  Os cewch eich rhoi ar y rhestr fer, gallwch ofyn am fwy o gymorth i baratoi ar gyfer eich cyfweliad.

Mae ganddon ni gyllideb gyfyngedig ar gyfer cymorth hygyrchedd. Gofynnwch am gymorth cyn gynted â phosib.

Os ydych chi’n wynebu rhwystrau rhag gwneud cais, gallwch drefnu galwad ar-lein gydag aelod o dîm Celfyddydau Ymdrochol. Bydd y sesiynau yma’n digwydd ym mis Awst a mis Medi 2025. 

Mae’r cymorth yma ar gyfer pobl:

• sy’n niwroamrywiol
• sy’n profi problemau iechyd corfforol neu feddyliol (yn y tymor byr neu’r tymor hir)
• sy’n rhan o’r Mwyafrif Byd-eang
• sy’n arddel hunaniaeth rhywedd leiafrifedig

Yn y sesiynau hanner awr yma gallwn wneud y canlynol:

• Eich arwain drwy’r broses ymgeisio a chymhwysedd
• Ateb cwestiynau am beth mae’r rhaglen yn ei gynnig a pha gymorth hygyrchedd sydd ar gael
• Eich cyfeirio at adnoddau defnyddiol

Fyddwn ni ddim yn gallu:

• Rhoi adborth manwl ar eich cais drafft
• Rhoi cyngor i chi ar ba ffrwd ariannu i’w ddewis
• Sgwrsio’n gyffredinol

Mae croeso i weithwyr cymorth ymuno â’r alwad ar-lein. 

Sut i drefnu

Gallwch drefnu galwad hanner awr gan ddefnyddio’r ddolen yma.
Byddwn yn rhyddhau slotiau bob pythefnos, felly dewch yn ôl i wirio os nad oes rhai ar gael.

Gyda phwy allwch chi siarad

Byddwch chi’n siarad ag un o Gynhyrchwyr Celfyddydau Ymdrochol sydd wedi’u lleoli ledled gwledydd Prydain. Gallwch ddewis siarad â Chynhyrchydd o’ch gwlad—neu gyda Chynhyrchydd o wlad wahanol os yw hynny’n teimlo’n fwy defnyddiol ar gyfer eich cwestiynau.

Gallwch ddarllen mwy am bob Cynhyrchydd ar ein tudalen Amdanon ni.

Rydyn ni am i bob artist sy’n derbyn cyllid drwy Celfyddydau Ymdrochol allu cymryd rhan mewn ffordd sy’n gweithio iddyn nhw.

Os byddwch yn derbyn cyllid, byddwn yn gofyn am unrhyw ofynion hygyrchedd a allai fod gennych chi. Mae hyn yn ein helpu i ddeall pa addasiadau rhesymol y gallwn eu cynnig i’ch cefnogi.

Ein nod yw bod yn hyblyg ac yn agored. Er na allwn warantu y gellir bodloni pob cais, byddwn yn gwrando’n ofalus ac yn gwneud ein gorau i ddod o hyd i atebion o fewn yr adnoddau sydd ganddon ni.

Fel arfer bydd costau ar gyfer gweithwyr cymorth a/neu offer neu dechnoleg hygyrchedd yn cael eu hariannu drwy gynllun Mynediad at Waith Llywodraeth y Deyrnas Unedig.

Rydyn ni’n annog artistiaid yn gryf i wneud cais i gynllun Mynediad at Waith – yn enwedig nawr, gan fod y cynllun dan fygythiad. Mae’r cynllun wedi bod yn darparu’r cymorth hygyrchedd mwyaf cyson a phellgyrhaeddol ers tro byd, sy’n ymestyn ymhell tu hwnt i brosiectau unigol yn aml. Er bod Celfyddydau Ymdrochol yn cynnig addasiadau rhesymol i fodloni gofynion hygyrchedd, Mynediad at Waith sydd wedi darparu’r cymorth mwy cynhwysfawr erioed – sy’n fuddiol drwy gydol eu prosiect a thu hwnt.

Rydyn ni’n deall nad yw gofynion hygyrchedd pawb yr un peth. Rydyn ni’n mabwysiadu dull sy’n canolbwyntio ar yr unigolyn ac yn ceisio gweithio gyda phob artist i leihau neu ddileu rhwystrau lle bynnag y gallwn.

Unwaith y byddwch chi’n rhan o’r rhaglen, gallwch chi wneud y canlynol:

• Rhannu eich gofynion yn y fformat sydd fwyaf addas i chi, gan gynnwys drwy Ddogfen Hygyrchedd
• Siarad â Chynhyrchydd o raglen Celfyddydau Ymdrochol am beth fyddai o gymorth i chi, gan gynnwys:
  • Cyfathrebu mewn fformat ac ar adegau sy’n addas i chi
  • Gwneud addasiadau o ran lefelau egni, niwroamrywiaeth, cyfrifoldebau gofalu, neu iechyd

Mewn digwyddiadau wyneb yn wyneb, efallai y byddwn yn gallu cynnig:

• Seddi cadw
• Gofodau gorffwys neu dawel
• Mynediad cynnar i leoliadau neu seibiannau o sesiynau hir

Rydyn ni hefyd yn ymgorffori hyblygrwydd yn strwythur y rhaglen lle gallwn ni. Er enghraifft, mae’r ffrwd Arbrofi yn cynnig dau opsiwn hyblyg o ran ei Labordy Datblygu:

• Preswyl (Mawrth 2026)
  Un wythnos (pum diwrnod) wyneb yn wyneb
• Tracio ar-lein hamddenol (Mawrth-Ebrill 2026)
  Deg hanner diwrnod dros gyfnod hirach mewn ymateb i’r garfan. Wedi’i ddylunio ar gyfer artistiaid sydd â gofynion hygyrchedd a/neu swyddogaethau gofalu lle nad yw’r model preswyl o bosib yn addas ar eu cyfer.

Ein nod yw creu amgylchedd cefnogol – os byddwch yn derbyn cyllid, byddwn yn gweithio gyda chi i ddod o hyd i’r ffyrdd gorau i chi gymryd rhan.

• Canllawiau i Artistiaid a Gweithwyr Cymorth
• Tudalen archebu ar gyfer y sesiwn galw heibio hygyrchedd
• Dolen i Unlimited
• Dolen i flogiad Unlimited am garfan R1
• Creu eich Dogfen Hygyrchedd eich hun

Os na allwch chi ddod o hyd i’r wybodaeth hygyrchedd sydd ei hangen arnoch ar y dudalen yma, anfonwch e-bost aton ni neu ffoniwch/tecstiwch 07926 699909.

Dim ond yn rhan-amser mae staff yn gallu ateb ein ffôn, felly os nad ydyn ni ar gael pan fyddwch yn ffonio gallwch adael neges llais i ni a byddwn yn cysylltu â chi cyn gynted â phosib.